Хайх
Монгол хэл
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
  • Бүх хэлүүд
  • English
  • 正體中文
  • 简体中文
  • Deutsch
  • Español
  • Français
  • Magyar
  • 日本語
  • 한국어
  • Монгол хэл
  • Âu Lạc
  • български
  • bahasa Melayu
  • فارسی
  • Português
  • Română
  • Bahasa Indonesia
  • ไทย
  • العربية
  • čeština
  • ਪੰਜਾਬੀ
  • русский
  • తెలుగు లిపి
  • हिन्दी
  • polski
  • italiano
  • Wikang Tagalog
  • Українська Мова
Гарчиг
Тайлбар
Одоо үргэлжлүүлэн
 

Онцлох мэдээ / Шуурхай мэдээ

Төгс Гэгээрсэн Их Багш Чин Хайн Бүх Шашны тэргүүнүүдэд илгээх уриалга

2021-04-28
Дэлгэрэнгүй
Татаж авах Docx
Дэлгэрэнгүй уншаарай

2021 оны 4-р сарын 25-нд бидний Хамгаас Хайрт Төгс Гэгээрсэн Их Багш Чин Хай Суприм Мастер Телевизийн хамт олонтой энэрэнгүйгээр ярих цаг гарган Нгуен У’окийн эмхэтгэсэн “Еврейн аман зохиолын эрдэнийн сан хөмрөг”-өөс бас нэгэн сонирхолтой түүхийг хуваалцлаа. Түүх уншихаасаа өмнө Их Багш телевизийн багийнхны асуусан асуултуудад тодорхой хариулсан юм.

(Багш аа, АНУ-Мексикийн хил дээр хямрал болж байна. Жое Байденыг ерөнхийлөгч болсноос хойш эхний хэдхэн сард хууль бус цагаачид баривчлагдах явдал огцом нэмэгдэж, сүүлийн хорин жилд байгаагүй олон тооны хүмүүс ирэх боллоо. Зарим хүн үүнийг Байдений ажлын албанаас явуулж буй илүү “нээлттэй” хилийн бодлого барьж байна гэх үзлээс үүдэлтэй гэсэн. Эсрэгээрээ, өмнөх ерөнхийлөгч эрхэм хүндэт Дональд Трампын бодлого нь хууль ёсны болон хууль бус цагаачлалд хатуу хязгаарлалт тавьж, цагаачлалын албаныханд хууль бусаар орж ирсэн хэнийг ч бай баривчлах тушаал өгсөн. Их Багш үүн дээр Өөрийн бодлоо хуваалцах сан болов уу?)

Тийм ээ. Ерөнхийлөгч Трамп өөр орнуудаас ирэх цагаачлалын урсгал хөдөлгөөнийг америкчуудыг, цагаачдыг ч гэсэн хамгаалахын тулд илүү эмх цэгцтэй байдлаар зохицуулахыг хүссэн. АНУ энэ тал дээр хэдийн нээлттэй бодлого барьдаг. Тухайлбал жил бүр хүн бүр хүсэлт гаргаж болдог Ногоон Карт хөтөлбөрт хожих юм бол тус улсад ажиллаж амьдрах боломжтой. Одоогоор жил бүр энэ боломжийг тавин таван мянган хүн авч байгаа ба үүн дээр нэмээд АНУ-д ажиллаж амьдрах өөр олон замаар хэн ч хүсэлт гаргахад нээлттэй. Хил нээлттэй байх нь маш сайн. (За, Багш аа.) Гэхдээ үүнийг зохион байгуулалттай хийх ёстой. Эс бөгөөс эмх замбараагүй байдал үүснэ. Мэдээнээс уншсанаар АНУ болон Мексикийн хилийн хямралыг нэмэгдүүлсэн юм шиг санагдсан. (Тийм ээ, Багш аа.) Яагаад гэвэл урьдчилж бэлтгэлгүй хилийг зүгээр л нээчхэж болохгүй. (Тийм ээ, Багш аа.)

Европт байдал өөр. Тэнд Шенгений бүс гэж байдаг бөгөөд энэ бүс дэх Европын өөр өөр улс орны иргэд ямар ч хил хязгааргүй, ямар ч шалган нэвтрүүлэх цэггүйгээр өөр хоорондоо орж гарч болдог. Ямар ч паспорт, ID шаардлагагүй. Гэхдээ тэд үүнийг нэвтрүүлэхийн тулд олон хэрэгсэл, системийг төлөвлөж, хэрэгжүүлсэн.

Гэтэл Америк Мексик болон бусад орны хувьд, тухайлбал Өмнөд Америкийн орнуудын хувьд тэд төлөвлөөгүй. Энэ тохиолдолд хүмүүсийг зүгээр л ингээд оруулчих нь тийм ч сайн зүйл биш. Яагаад гэвэл олон янзын хүмүүс магадгүй өвчтэй байгаа, эсвэл гэмт хэрэгт холбогдсон гэх зэрэг таагүй зүйлстэй холбоотой байж мэднэ. Бас хэрэв урьдчилан төлөвлөхгүй бол хүмүүсийг шалгаж, АНУ-руу орох үнэмлэх олгох төв гэж байхгүй. Байсан бол тэд ажил олж, хамаатан саднаа эрж олох боломж бүрдэх юм. Мэдээгээр үзсэнээр бол, энэ мэт маш эмх замбараагүй байдалд хүүхдүүд хашаанд хамтдаа шахагдаж, үнэхээр... бараг л тун эелдэг бус байдалд байдаг. Хүмүүс зүгээр л АНУ-д Учир нь хүмүүс АНУ-д гэнэт ирчихдэг болохоор хил дээрх хүмүүс шилжилт хөдөлгөөний асуудлыг хурдан шийдэж чадахгүй. Мөн тэнд хангалттай тухтай байр орон байхгүй, хангалттай хоол хүнс, хангамжийн зүйлс байхгүй ч байж магадгүй. Ийм бол сайнгүй хэрэг. Америкчуудад ч сайнгүй, мексикчүүдэд ч, бусад цагаачдад ч сайнгүй. Миний дуулснаар тэд бүр Гондурас зэрэг Төв Америкийн бусад орноос ирцгээсэн гэнэ лээ.

Тэгэхээр хилээ нээх нь ямар ч улс орны хувьд маш сайхан, маш өгөөмөр, маш сайн зүйл. Хэрэв нэмэлт ажилчид хэрэгтэй бол, эсвэл зүгээр л зочломтгой байхыг хүсвэл энэ нь маш сайн. Гэхдээ энэ тохиолдолд ингэж маш их эмх замбараагүй байх нь цагаачдад, ялангуяа бяцхан хүүхдүүдэд маш муу. Би бүр тэднийг тор давуулан, хилийн хана давуулан унагаж байхыг хүртэл харсан. Ингэвэл тэдэнд үнэхээр муу. Тэднийг гэмтээх аюултай байх нь гарцаагүй бөгөөд тэдгээр хүүхдүүдэд энэ аймшигтай явдлыг маш бага, эмзэг насандаа туулснаа мартахад их хэцүү байх болно.

Бас нэгэн чухал зүйл нь энэхүү цар тахлын үед ихэнх улс ард иргэдээ хамгаалахын тулд хилээ хаалттай байлгаж байхад, ингэж нээх нь ашиг тустай биш юм. Эрүүл, эрүүл бус хүүхдүүдийг хамтад нь ингэж шахаж байлгах нь тэдэнд бүгдэд нь маш муу. (За, Багш аа.) Тэгж санагдахгүй байна уу? (Тийм ээ, Багш аа.) Мэдээгээр үзсэнчлэн маш олон хүн өвчтэй байсан. Тэд КОВИД-19 тусчхаад зүгээр л АНУ руу орох гэж яарцгаасан байж мэднэ. Ингэвэл эрүүл америкчуудад бас халдвар тарааж мэднэ. (Тийм ээ.) Энэ бол маш, маш хайхрамжгүй Ийм байдлаар хийх учиргүй юм. Цагаачдыг Америкт ирэх боломжийг нээхээсээ өмнө илүү сайн зохион байгуулсан байх учиртай. Бусдаар бол хил нээлттэй байх нь маш сайн. Хүлээн авч буй улс оронд ч, цагаачдад ч сайн. Яагаад гэвэл цагаачдад ажил хэрэгтэй болохоор тэд маш шаргуу ажиллах тэмүүлэлтэй байх бөгөөд энэ нь улс оронд хувь нэмэр болохын зэрэгцээ цагаачдад өөрсдөд нь ч тустай.

Зүгээр л бид урьдчилаад зохион байгуулах хэрэгтэй юм. Тэднийг түр байрлуулах сайхан газар, эмч нар, тэднийг анх ирэхэд нь эрүүл мэндийн тусламж үзүүлэх эмнэлгийн ажилтнууд хэрэгтэй. Бас хоол хүнс, хувцас, хөнжил, өрөөнүүд, ариун цэврийн хангамж гэх мэтийг зохион байгуулах хэрэгтэй. Тийм ч сайн зохион байгуулаагүй бөгөөд энэ нь тэнд аваачсан хүүхдүүдэд, ялангуяа ямар ч эцэг эх, харгалзах хүнгүй аваачсан хүүхдүүдэд маш муу нөхцөл байдал юм. Зорилго нь сайн байж болох ч би үүнийг тийм ч сайн зүйл гэж бодохгүй байна. (За, Багш аа.) Сайн зорилготой л болчихдог юм биш. Сайн зорилготой хамт бас сайн зохион байгуулалтууд, зочдыг халуун дотноор угтан авахад бүхий л бэлтгэлүүд хийгдсэн байх ёстой.

Европт хүртэл цар тахлын үед Шенгений бүсэд Шенгений Гэрээгээр хилүүд бас хаагдаад байгаа. Харин АНУ болон Мексикийн хил нээгдсэн нь миний бодлоор энэ цаг үед тийм ч сайн санаа биш. Нөгөөтээгүүр Европын улс орнууд сэтгэлгээний хувьд магадгүй мексикчүүд болон америкчуудынхаас өөр байх. Хүлээлтийн хувьд өөр, амьдралын өөр хэв маягтай байж магадгүй. Европын Холбооны хэмжээнд ихэнх хүмүүсийн амьдралын хэм хэмжээ нь ойролцоо. Мэдээж баян, баян биш гэсэн ялгаа үргэлж байдаг ч Шенгений бүсийн улс орнуудын хувьд амьдралын хэм хэмжээ их бага хэмжээгээр ойролцоо байдаг. Гэсэн ч цар тахлын үед тэд иргэдээ хамгаалахын тулд хилээ хаасан.

Ялангуяа цар тахал гарсан бидний одоогийн энэ нөхцөл байдалд хилийг тэгж нээх учиртай эсэхийг мэдэхгүй. (За, Багш аа.) Бас энэ нь хууль бус худалдаачид, хүний наймаачид, хар тамхины наймаачдад түлхэц болж болох юм. Бүхий л таагүй төрлийн хэсэг бүлэг хүмүүс бас холилдсон байх болохоор хүлээн авч байгаа улс оронд, Америкт огтхон ч сайн биш.

Их Багш Еврей үндэстний “Аялагч бизнесмен ба итгэлт сүнс” хэмээх үлгэрийг өгөөмрөөр орчуулж өгснийхөө дараа тус үлгэрт агуулагдсан чухал санааг онцлон ярилаа.

Харав уу, энэ үлгэрт үхсэн ихэнх хүмүүс тамд зовдог гэж сүнс тийнхүү үнэнээр нь хэлсэн. Учир нь буянтай болон ёс суртахуунаа алдаагүй хүн маш цөөн. (За, Багш аа.) Мөн мах идэх зэрэг нь хэдийн нүгэл, хэдийн нүгэлтэй үйл бөгөөд хулиар, Ертөнцийн хуулиар хэдийн шийтгэл хүлээх үйл юм.

Надад бүх шашны тэргүүнүүдээс гуйх гуйлт байна. Та бүхэн сайн үлгэр жишээ үзүүлэх ёстой. Та нар яг одоо веган болох ёстой. Тэгвэл Бурхан өршөөнө. Эс бөгөөс та нар үнэхээр там руу явах болно.

Би чин үнэнээсээ хэлж байна. Бусдын л адил хэрэв та нар үргэлжлүүлэн мах идсээр, дарс уусаар байвал, зөвхөн мах л идэж дарс уухгүй байлаа ч, энэ нь хэдийн тамд уртаас урт урт, маш удаан хугацаанд шийтгэгдэх хангалттай их нүгэл.

Хятадын эгчийн илгээсэн тамын тухай захидлыг юм уу, яриаг нь гаргаж болох юм.

“Их Багш ‘Мах иддэг хүмүүс тамд очно’ гэж хэлснийг туйлын үнэн гэдгийг би гэрчилж чадна. Нэг шөнө дунд би бясалгалаа дуусгаж байхдаа дотоодын Их Багшаасаа ийм захиас хүлээж авав: ‘Бодисадвагийн ажлыг сурч, тэнд байгаа төрөлтнүүдэд туслахын тулд та тамд зочлох хэрэгтэй.’ Тэгээд миний дотоодын Их Багш намайг там руу аваачсан. Миний түвшний бясалгагчийг шатаахаар байсан тамын галаас намайг Их Багшийн Дээд Хүч хамгаалж байв. Энэ нь бас намайг айдсаас чөлөөлөв. Намайг Газрын зүрхэн Бодисадвагийн хариуцдаг тамуудын нэгэнд дагуулж очсон. Энд нүгэл үйлдэгчид усан хүрдийг санагдуулам асар том эргэлддэг хар төмөр хүрдэн дээр аль болох хурдтай гүйхээс өөр аргагүй байдалд байв. Тэд хүрдний хурдыг гүйцэж чадаагүй агшиндаа асар том гал дээрх буцалж буй шөлний тогоонд унаж, үйрмэг болтлоо чанагдаж байв.

Их Багшийн зааврыг дагаж би Таван ариун нэр болон Бэлгийг уншсан. Намайг уншихын хэрээр Их Багшийн агуу хүч тэдгээр төрөлтнүүдийг хүрднээс чөлөөлөгдөх боломжийг олгосон. Дараа нь тэд миний өмнө сөгдөв. Би тэднээс: ‘Та нар яаж энэ тамд унаа вэ?’ гэж асуухад тэд: ‘Бид өмнөх төрөлдөө ан агнаж, загас барьж, махыг нь их хэмжээгээр иддэг байсан. Тэдгээрийг агнахад тэд маш их айдсыг мэдэрдэг байсан ба зугтах гэж оролддог ч, ямар ч гарц байгаагүй. Тэднийг барьж, нядлаад, саванд хийж зутан болтол нь болгодог байсан. Тэдний махыг идсэний үр дүнд бид тамын тогоонд унаж, дахин дахин зугтаж, чанагдах ёстой болсон юм.’ гэж хэлсэн. Би тэдэнд ийн тайлбарласан: ‘Мах идсэний үйлийн үрийн төлөөс туйлын хүнд. Хүмүүсийг юу хүлээж байгааг мэдэхгүй учраас л тэд мах идэж зүрхэлдэг юм.’ Би тэднийг дараагийн төрөлдөө веган амьдралын хэв маягийг баттай хэвшүүлж, сайн үйлс хийхийг ятгасан. Тэд тэгээд шинэ амьдралын зам өөд Их Багшийг даган тамаас гарсан. Гэсэн хэдий ч би ярьж байхдаа махан хоол иддэг олон хүмүүс ар араасаа, дээрээс там руу унаж, бүгд нүцгэн байхыг харж байлаа. Тоогүй нь, судруудад: ‘Там хэзээ ч хоосрохгүй’ гэсэн байдаг.

Тэгээд би зүүн гар хатгаж байгааг мэдэрлээ. Би доош хартал миний зүүн ханцуй асар их томорсон байв. Тамаас аврагдахаар тоолж баршгүй амьтад ханцуйнд хавчуулагджээ. Үүнээс харахад тамын төрөлтнүүд ингэж агшиж, аврагдах боломжтой аж.

Би гайхаж, зовж зүдэрсэн хамаг амьтдад тусламжаа сунгадаг Их Багш болон Газрын зүрхэн Бодисадвагийн агуу байдал, хязгааргүй энэрэл хайрыг мэдэрсэн. Дараагийн агшинд би хоёр агуу Гэгээнтнийг магтан дуулж, тамд буцаж ирэв. Магтаалын хэдхэн үг хэлж байтал ар араасаа цуврах хачирхалтай чанга хангинах чимээ сонсогдлоо. Харагтун, энэ бол Гэгээнтнүүдийг өргөмжилсний хүчээр нуран унаж буй зэргэлдээх тамын өрөөнүүдийн төмөр хананы чимээ байлаа! Үүний зэрэгцээ тамын харанхуй газраас цэвэр, оргилуун булаг гарч, бадамлянхуаны цөөрөм үүсгэсэн. Цөөрөмд тоо томшгүй олон алтан, цагаан бадамлянхуа ургаж, агшин зуур цэцэглэв. Бадамлянхуа цэцэг улам бүр томорч, үзэсгэлэнтэй, сүр жавхлантай гэрэлтэж байв. Алтан бадамлянхуа хүртэл бидний хайрт Төгс Гэгээрсэн Их Багш Чин Хай болон Газрын зүрхэн Бодисадвагийн хязгааргүй хүч чадал, ач буянаар тамд цэцэглэв. Тэдний агуу байдал хүний ойлголтоос үнэхээр хэтийдсэн билээ!”

Хуврагийн юм уу гэлэнмаагийн орхимж нөмрөн зүгээр л өдөр бүр тийм ч хэрэгтэй биш зан үйл хийж хандив аваад, тав тухтай сүм дуганд амьдарч, итгэж биширсэн хүмүүсээр хүндлүүлэх нь хангалттай биш юм. Та бүхэн амьдралаа эргүүлэх хэрэгтэй.

Веган бол. Дахин бүү мах ид. Амьтны гаралтай зүйлээс татгалз. Үгүй бол та нар тамаас зайлж чадахгүй. Өөрийнхөө нэр төрөөр, Бурханы нэрийг барин би та нарт ийнхүү үнэнийг хэлж байна. Та бүхнийг дорможилсон мэт санагдсан ч, миний аюулгүй байдал эрсдэлд орсон ч хамаагүй шашны тэргүүн та бүгдэд би Бурханы нэрийн өмнөөс үүнийг хэлэх ёстой. Зүгээр л хэдэн зан үйлийг цээжлээд, яг л Библи юм уу сударт байгааг тоть мэт, эсвэл Буяны замд дагуулна хэмээн хүмүүс та нарт итгэж байгаа. Зөвхөн өөрсдөө веган байгаад зогсохгүй, та нар дагагчдаа, итгэгчдээ ч мөн адил веган байхыг зөвлөх ёстой. Веган байх ёстой.

Бурханы бүтээсэн хөөрхий, гэм зэмгүй амьтдыг дахин шууд, шууд бусаар алахаа зогсоо. Амьтад ч бас Бурханы хүүхдүүд бөгөөд тэднийг хөнөөх ёсгүй. Амьтад бол хүн төрөлхтний туслагчид. Библид хүртэл энэ бүхний талаар: “Шувуудаас асуу, тэд үзүүлэх болно. Загаснаас асуу, тэд зааж өгөх болно. Амьтдаас асуу, тэд хэлж өгөх болно. Тэд зөвлөх болно" гэсэн байдаг. “Амьтдаас зүгээр л асуу, тэд зааж өгөх болно. Тэнгэрийн шувуудаас асуу, тэд хэлж өгөх болно. Газар шороотой ярь, тэр зааж өгнө. Далай тэнгис дэх загасны ярихыг сонс.” ~ Ариун Библи, Ажил 12:7-8 Тэд бол хүндлэгдэх, хайрлагдах ёстой, ядаж л найрсгаар хандуулах ёстой төрөлтнүүд. Ийм зэрлэг балмадаар тамлаж, идэх эрх бидэнд байхгүй. Тэднийг, ийм харгисаар алуулсан амьтдын махыг идсэнээр та энэ үйлийг зөвтгөж бас хамсаатан нь болно. Би та нарт анд найзын хувиар, шүтлэгтэй хүний хувиар хэлж байна. Бурханыг хүндэтгэж, хайрладаг хүний хувиар, хүний хувиар, хүн төрөлтнийг, амьтдыг хайрладаг хүний хувиар, тэднийг зовж шаналж байгаагаас болж өдөр бүр, шөнө бүр уйлдаг хүний хувиар хэлж байна.

Би та нарт энэ мэтчилэн ярьж цаг нөхцөөж байгаа юм биш. Хэрэв одоо л амьдралаа эргүүлж, гэм зэмгүй амьтдын махыг идэхээ болиогүй бол, та нарыг там хүлээж байгаа гэдгийг би анхааруулах ёстой. Бид – санваартан биш, энгийн хүн байлаа ч – хүмүүс бид, хүнлэг хүмүүн, өрөөл бусад хэний ч зовлонгоор хэзээ ч таашаал эдлэх ёсгүй. Бурхан “Амь хөнөөж болохгүй" гэсэн. Зөрөх аргагүй зүйл. Ертөнцийн энэ хууль хаа сайгүй, зөв, шударга байдаг. Хэн ч үүнээс бултаж чадахгүй. “Юу тарина, түүнийгээ хурааж авна.” Тэр амьтныг зовж байгааг нь хараагүй гээд, түүнийг өөрөө алаагүй гээд тэрхүү нүглийг хуваалцахгүй гэсэн үг биш.

Хүмүүс та нарт итгэж байгаа. Та нар тэдэнд нигүүлсэнгүй замыг зөвлөх ёстой. Есүсийн явсан тэр зам, Буддагийн заасан тэр зам, Гүрү Нанак Дэв Жигийн заасан, Зөнч Мухамед, Тэр амгалан байг, заасан тэр замыг зөвлөх ёстой. Бүх Их Багш нар ижил зүйл хэлсэн. Эзэн Махавира бүр идэхийг хүсдэг ч үгүй байсан, бүр жимсийг хүртэл. Харин бид бол жимс ногоог идэх боломжтой, бүр их хэмжээгээр ч идэж болно. Бид хоол хүнс, шим тэжээлээр дутагдаагүй. Зөвхөн таашаал авах гэж бид алах ёсгүй. Энэ бол харгис үйлдэл. Бурханы эсрэг үйл. Та бүхний зорилгын эсрэг, Диваажины, Бурханы ариун чанарыг бэлгэдэн өмссөн орхимжийн тань ч эсрэг үйл юм. Эзэн Есүс, Бурхан Будда, Эзэн Махавира, Гүрү Нанак Дэв Жи, Зөнч Мухамед, Тэрээр амгалан байг, Зөнч Баха’у’ла гэх мэтчилэн Их Багш нарынхаа бидэнд заасан замаар амьдрах ёстой.

Та бүхэнд үзүүлэх нулимс надад үлдсэнгүй. Хэр чин сэтгэлээсээ вэ, зүрх сэтгэл минь хүмүүс болон амьтдаас болоод дахин дахин хэр шархлаа вэ гэдгээ үзүүлэхийн тулд би та нарт зүрхээ гаргаж ирж харуулж чадахгүй. Амьтдын зовлон шаналал хүмүүст нөлөөлдөг учраас хүмүүс ч бас зовж шаналдаг.

Та нар бол Диваажингийн төлөөлөгчид. Та нар Диваажингийн замаар, энэрэл нигүүлслийн, хайрын, нинжин сэтгэлийн, өршөөлийн замаар замнах учиртай. Тэгж гэмээ нь энэ дэлхийг орхин жанч халж Диваажин руу одох тэр өдөр тань энэ бүхэн өөрт тань ирэх болно. Эс бөгөөс та нар там руу явна гэдгийг би баталж чадна. Чин үнэнээсээ хэлж байгааг минь, энэ бүхэн үнэн гэдгийг та нар мэднэ. Тэгэхээр одоо эрс эргэлт хий. Бурханы Өршөөл Хайраар та бүхэнд хамгийн сайн сайхныг хүсэж байна. Бас бүгдэд чинь хайртай шүү. Эрс эргэлт хийхийг гуйж байна. Баярлалаа.

Хамгаас Өршөөлт Их Багш Таны зовж шаналж байгаа болон төөрөлдсөн бүх төрөлтнүүдийн төлөө зориулдаг цэвэр ариун, аминч бус Хайр, дуусашгүй Нигүүлсэл Тань, дэлхийн хүнлэг чанар сэргэнэ гэх итгэл найдварыг өгдөг билээ. Их Багшийн хичээл тэдгээр нөлөө бүхий байр сууринд байгаа хүмүүст амийг-эрхэмлэгч веган хоолны дэглэмийг сонгоход нь тусалж, дагагчдаа бас тэгэхийг уриалж, улмаар хүн төрөлхтнийг энэрэнгүй замд хөтлөөсэй хэмээн чин сэтгэлээсээ залбиръя. Их Багш маань Бурханы Тусламж, Сүр хүчээр сэтгэл амгалан, аз жаргалтай, лагшин тунгалаг байх болтугай.

Төгс Гэгээрсэн Их Багш Чин Хайтай хийсэн энэхүү конферецийг бүрэн эхээр нь хожмын өдөр Багш шавийн шүтэлцээгээр хүлээн авч үзээрэй.

Дэлгэрэнгүй үзээрэй
... Шашинд  7 / 25
2
2021-12-08
4356 Үзсэн
5
2020-11-11
28268 Үзсэн
9
2019-10-30
7818 Үзсэн
11
4:23

Шашинд Архийг Цээрлэхүй

2019-11-06   6160 Үзсэн
2019-11-06
6160 Үзсэн
13
2018-07-27
5369 Үзсэн
16
2022-01-22
3348 Үзсэн
Дэлгэрэнгүй үзээрэй
Хамгийн сүүлийн бичлэгүүд
2024-03-28
1 Үзсэн
2024-03-28
1 Үзсэн
1:57

Animals are People, Part 23

2024-03-28   1 Үзсэн
2024-03-28
1 Үзсэн
9:36

Ukraine (Ureign) Relief Update

2024-03-28   1 Үзсэн
2024-03-28
1 Үзсэн
2:06

Animals are People, Part 24

2024-03-28   1 Үзсэн
2024-03-28
1 Үзсэн
2:29

Animals are People, Part 25

2024-03-28   1 Үзсэн
2024-03-28
1 Үзсэн
30:11

Онцлох мэдээ

2024-03-26   73 Үзсэн
2024-03-26
73 Үзсэн
Шэйр
Шэйр хийх
Шигтгэсэн видео
Эхлэх
Татаж авах
Гар утас
Гар утас
iPhone
Андройд
Гар утсаар үзэх
GO
GO
Prompt
OK
Апп
QR кодыг уншуулна уу, эсвэл татаж авах зөв утасны системийг сонгоно уу
iPhone
Андройд